Adulescens tredecim annorum, summo amore ad catholicas scholas incensus, totum studiorum curriculum exegit in seminario metropolitano Capuae sito. Erat omnibus affabilis ingenii docilitate cum magna bonitate coniuncta, animus litterarum studio rebusque divinis praecipue intentus.
Ad litteras iuvenibus tradendas dictus magister in atheneo ipsius seminari, in excitanda aemulatione inter discipulos longe diligens valde aptus; celer irasci; leniri celerior, multorum familiaritate usus est maxime erga amicos, praeclarus fuit inter discipulos canonicus Gabriel Jannelli, metropolitanae ecclesiae, vir rerum antiquarum studiosus doctis probantissimus. Litterarum cultor assiduus carmina nonnulla in lucem edidit. Ita, post tot tantosque labores, octoginta annos natus, acutus morbus sanctissimum et doctissimum senem corripuit et, paucis post diebus, quibus egregia pietatis documenta dedit, sacro viatico recreatus. Tranquille ut quasi non morti sed sommo suavissimo cederet, intempesta nocte ad perpetuam coeli lucem evolavit. Huius interitu palam facto conqueri cives, lugere, ut de patre iucundissimo fieri solet, sacerdotes sacerdotem integrum, dignum singulari exemplo laudibus tollere. Justa funebria sine mora, ingenti populi frequentatione persoluta. Pax illi et gaudia coelestium.
Can. Teol. Prof. Antonio Di Majo, (Marcianise 1906 -1996) Canonico Teologo della Collegiata di San Michele Arcangelo di Marcianise, Arcidiocesi di Capua, professore di latino e greco.
cfr. Collana Risvegli Culturali , Vol. I – Il contributo dei cattolici alla storia letteraria e umanistica nell’800 in Terra di Lavoro – l’Umanista Domenico Musone -. 1994, p. 39.